Gawain sa Pagkatuto Bilang 1: Panuto:
Suriin ang mga pangungusap, lagyan ng tsek (✓) kung ang pangungusap ay nagbibigay ng patunay, at ekis (×) naman kung hindi. Isulat ang tamang sagot sa iyong sagutang papel o notbuk.

1. Nakalulungkot ang mga pangyayari sa ating mundo dahil sa kumakalat na COVID-19.

2. Ayon sa Department of Health (DOH), mapipigilan ang pagkalat ng COVID-19 sa pamamagitan ng paghugas ng kamay, huwag hawakan ang iyong mukha, at panatilihin ang distansya sa pagitan ng iyong sarili sa iba.

3. Ang tulong mula sa iba't ibang panig ng bansa ay umabot sa mahigit 20 bilyong piso na nagpapakita ng kabutihang loob kahit anuman ang lahi.

4. Nakapanlulumong makita ang ilan sa ating mga kababayang nahihirapang makahanap ng trabaho para sa pang-araw-araw na pangangailangan.

5. Pinatutunayan sa mga estadistika na ang U. S ang nangunguna sa may pinakamaraming kaso ng COVID-19 sa buong mundo.

6. Hinatulan na ng Korte Suprema si Janet Napoles na kasangkot sa Pork Barrel Scam.

7. Ayon sa mga nakalap na larawan, kitang-kita na siya ang bumaril sa lalaking nakasakay sa kotse.

8. Ayon sa isang pag-aaral, mas marami ang populasyon ng kababaihan kaysa sa kalalakihan.

9. Magsumikap tayo upang makamit natin ang mga ninanais sa buhay.

10. Ayon sa mga nakalap na larawan, kapani-paniwala na siya ang pumasok sa kanilang bahay na nagnakaw ng mga alahas.